2 Nov

💠💠🔰💠🔰💠🔰💠🔰🔰
*ઈતિહાસમાં ૨ નવેમ્બરનો દિવસ*
💠🔰💠🔰💠🔰💠🔰💠🔰
*✍યુવરાજસિંહ જાડેજા ગોંડલ (યુયુત્સુ)9099409723*

*🕍🕌અક્ષરધામ રજત જયંતિ મહોત્સવમાં PM મોદી આપશે હાજરી🕌🕍*

મહાન સંત બ્રહ્મસ્વરૂપ પૂજ્ય પ્રમુખસ્વામી મહારાજની ગુજરાતને એક મહાન ભેટ સમાન સ્વામિનારાયણ અક્ષરધામ તાજેતરમાં તેની રજત જયંતીનું વર્ષ ઊજવી રહ્યું છે. અક્ષરધામ એટલે પરમાત્માનું નિવાસ સ્થાન, જ્યાં કલા યુગાતીત છે, સંસ્કૃતિ સીમાતીત છે અને મૂલ્યો સમયાતીત છે. અક્ષરધામ એટલે એવું એક સ્થળ કે જ્યાં સુખ, શાંતિ અને સવાંદિતા માટે વિશ્વભરના યાત્રિકો વર્ષભર ઊમટતા રહે છે. છેલ્લા 25 વર્ષમાં અહીં આવીને 127 દેશોના 5.7 કરોડ યાત્રિકોએ પવિત્ર પ્રેરણાઓ પ્રાપ્ત કરી છે.

પૂજ્ય પ્રમુખસ્વામી મહારાજના પૂર્વગામી ગુરુ બ્રહ્મસ્વરૂપ યોગીજી મહારાજે કરેલા સંકલ્પને પૂજ્ય પ્રમુખસ્વામી મહારાજે સન 1992માં અક્ષરધામનું સર્જન કરીને સાકાર કર્યો હતો. સન 1992ની બીજી નવેમ્બરે પ્રમુખસ્વામી મહારાજના હસ્તે અક્ષરધામનું ઉદઘાટન થયું હતું, તેને બરાબર 2 નવેમ્બર 2017ના રોજ અટલે કે આજે 25 વર્ષ પૂર્ણ થાય છે. આ નિમિત્તે ગાંધીનગર ખાતે અક્ષરધામ પરિસરમાં રજતજયંતી વર્ષ ઉજવાઈ રહ્યું છે.

*🔰ડો. મહેન્દ્રલાલ સરકારનો જન્મ🔰*

ડો. મહેન્દ્રલાલ સરકાર નો જન્મ ભારત દેશનાં પૂર્વ ભાગમાં આવેલા પશ્ચિમ બંગાળ રાજ્યનાં હાવડા જિલ્લાનાં પૈકપુરા ગામમાં થયો હતો. જયારે તેની ઉંમર ૫ વર્ષની હતી ત્યારે તેમના પિતા અને ૯ વર્ષની હતી, ત્યારે તેઓનાં માતાનું અવસાન થયુ હતું. નાનપણથી જ તેઓ જ્ઞાન અને વિજ્ઞાનનાં પુસ્તકો વાંચીને આગળ આવ્યા હતા. તેઓ મેડિકલ કોલેજમાં પ્રવેશ મેળવીને એમ.ડી. સુધીનું શિક્ષણ મેળવ્યું હતું અને કોલકાતા માં પ્રખ્યાત તબીબ તરીકેની નામના મેળવી હતી. મહેન્દ્રલાલે તે સમયે " કલકતા જર્નલ ઓફ મેડિસિન " નામે એક પત્ર પ્રસારીત કરીને જ્ઞાનપિપાસુ અને ઉત્સાહિત વિધાર્થીઓનું એક અભ્યાસમંડળ તૈયાર કર્યુ હતું. જેનાથી વિજ્ઞાન અંગેના અવનવા પ્રયોગો, સંશોધનોને લગતી અદ્વિતીય કામગીરી બજાવી હતી. તેઓએ ભારત દેશનાં લોકોને વિજ્ઞાનની અગત્યતા સમજાવવામાં પોતાનું જીવન વિતાવ્યુ હતું, જેથી ભારત સરકારે તેમનુ બહુમાન કર્યુ હતું. *ભારત દેશમાં વિજ્ઞાન શિક્ષણને પ્રથમવાર લોકપ્રિય બનાવનાર આ મહાન વિભુતિ ઈ.સ.૧૯૦૩ના વર્ષમાં અવસાન પામ્યા હતા.*

2 Nov 2019 -- NC