16 May

Yuvirajsinh Jadeja:
🔰🔰ઈતિહાસમાં 16 મેનો દિવસ🔰🔰

🎯🎯🎯સિક્કિમ🎯🎯🎯

૧૯૭૫માં આજના દિવસે સિક્કિમ ભારતનું ૨૨મું રાજ્ય બન્યું હતું . સ્થાનિક સ્થિતિ વણસી જતાં લશ્કરે આ રાજ્ય પર નિયંત્રણ મેળવ્યું હતું , ત્યારબાદ જનમતમાં લોકોએ ભારતમાં ભળી જવાનો નિર્ણય કર્યો હતો .

⚡️વીજળી પુરવઠાની આધુનિક શોધ⚡️

ઓલ્ટરનેટિવ કરંટ અને તેને ટ્રાન્સમિટ કરવાની પદ્ધતિ અમેરિકન વિજ્ઞાની નિકોલા ટેસ્લાએ વર્ષ 1888 ની 16 મેના રોજ રજૂ કરી હતી . 1891 ની 16 મેના રોજ જર્મનીમાં થ્રી - ફેઝ ઇલેક્ટ્રિસિટી પહેલી વાર લોકોએ જોઈ હતી .

🗻⛰પહેલી મહિલાએ એવરેસ્ટ સર કર્યો🌁🗻

જાપાનીઝ પર્વતારોહક જંકો તાબેઈએ વર્ષ 1975 ની 16 મેના રોજ માઉન્ટ એવરેસ્ટ સર કર્યું હતું . વર્ષ 1953 માં એવરેસ્ટ સર કરનારા એડમન્ડ હિલેરી અને તેનઝિંગે પસંદ કરેલા માર્ગે જ તેમણે સફર કરી હતી .

🏆પહેલો એકેડેમી એવોર્ડ સમારંભ🏆

આજે વિશ્વમાં સૌથી પ્રતિષ્ઠિત ગણવામાં આવતા એકેડેમી એવોર્ડ ( ઓસ્કાર) નો પહેલો સમારંભ વર્ષ 1929 ની 16 મેના રોજ યોજાયો હતો . વર્ષ 1927 અને 1928 ની શ્રેષ્ઠ ફિલ્મોને તેમાં ઓસ્કાર એનાયત કરાયા હતા .

🔖🔖શ્રી અંબુભાઈ પુરાણી🎉🎉

🎉ગુજરાત અને યુવાધનને વ્યાયામ પ્રવૃતિના પ્રોત્સાહક શ્રી અંબુભાઈ પુરાણનો જન્મ તા. ૧૬/૫/૧૮૯૪ના રોજ થયો હતો. 
તેમના પિતાનું નામ બાલકૃષ્ણ અને માતાનું નામ જડીબેન હતું. 
બચપણ જામનગર અને કિશોરવસ્થા ભરૂચમાં વીત્યું. 
ઈ.સ.૧૯૧૦માં વડોદરાની સયાજી હાઈસ્કૂલમાંથી મેટ્રીકની પરીક્ષા પાસ કરી. 
🔖વડોદરાની લક્ષ્મીનાથ વ્યાયામ શાળાના તેઓ પ્રણેતા હતા. 
🎐 પોંડિચેરીમાં છોટુભાઈ પુરાણી અને અંબુભાઈ પુરાણી બંને ભાઈઓને મહાયોગી શ્રી અરવિંદનો પારસસ્પર્શ થયો હતો.
અંબુભાઈનું જીવન જ્ઞાન,ભક્તિ, કર્મ અને યોગીથી પરિપક્વ થયું હતું. શ્રી અરવિંદના વિચારોને બૌદ્ધિક સમજ કેળવીને તેમને જીવનમાં ઉતાર્યા હતા. ઉત્તમ વિદ્યાર્થી, આદર્શ ભક્ત, યુવાનેતા અને આદર્શ માનવી 🎎અંબુભાઈ પુરાણીએ શ્રી આધ્યાત્મિક ગુરૂ તરીકે સ્વીકાર્યા હતા.
તેઓ અરવિંદ દર્શન- પૂર્ણયોગના સાધક રહ્યા હતા. ‘ સાવિત્રી’ના તેઓ અચ્છા ભાષ્યકાર હતા. તેમને રાષ્ટ્રીય શિક્ષણના પ્રસારનું કાર્ય પણ કર્યું હતું. તેમનું અવસાન ૧૫મી ડીસેમ્બર ૧૯૬૫ના રોજ થયું હતું. 🗂તેમની સ્મૃતિરૂપે અમદાવાદમાં શારીરિક શિક્ષણ આપતી સંસ્થાની સ્થાપના કરવામાં આવી છે.

✍યુવરાજસિંહ જાડેજા (ગોંડલ)🙏